Мюллер ЕЧЛ финалида ким ғолиб бўлишини тахмин қилди

"Бавария" футболчиси Томас Мюллер эртага бўлиб ўтадиган "Ливерпуль" ҳамда "Реал" жамоалари ўртасидаги чемпионлар лигаси финали борасида ўз тахминини билдириб ўтди. 

"Айни пайтда "Ливерпуль" кучлидек кўринмоқда. Бироқ "Реал"нинг чемпионатда ва чемпионлар лигасида нималар қилиб ташлаганини ҳисобга олсак, Мадрид клуби ҳам осонликча ютқазиб берадиганга ўхшамайди. 

Шундай экан, менинг тахминим бўйича учрашувда 2:2 ҳисоби қайд этилади. Пенальтилар сериясида эса омад инглиз клуби тарафида бўлади", - деди германиялик ҳужумкор ярим ҳимоячи.

Эслатиб ўтамиз, чемпионлар лигаси финали доирасидаги "Ливерпуль" - "Реал" баҳсини эртага 23:50 дан бошлаб томоша қилишингиз мумкин.