MYuning ikki futbolchisiga Turkiya klublaridan taklif kelib tushdi, ammo...

"Manchester Yunayted"ning ikki braziliyalik futbolchisi Kazemiro va Antoni jamoada asosiy tarkibdagi o‘rnini yo‘qotgan. 

Mazkur holatda hali transfer oynasi yopilmagan Turkiya chempionati vakillari mazkur futbolchilarni o‘z safiga qo‘shib olish niyatida. Qayd etilishicha, "Galatasaroy" Kazemironi, "Fenerbaxche" esa Antoni transferiga qiziqish bildiryapti. 

Shunday bo‘lsa-da, janubiy amerikaliklar "qizil iblislar" tarkibini tark etishni istamayapti va "Yunayted"da qolib, asosiy tarkib uchun kurashishni rejalashtiryapti.