МЮнинг собиқ сардори устидан суд ҳукми ўқилди

Англия терма жамоаси ва “Манчестер Юнайтед”даги ўйинлари билан машҳур бўлган Рио Фердинанд суд ҳукми билан ҳайдовчилик гувоҳномасидан ярим йилга маҳрум этилди.

Фердинанднинг ўзи Mercedes машинасида соатига 85 миль тезликда ҳаракатланганини тан олган. Энди маълум муддат машина бошқара олмайди. Шунингдек, машҳур футболчи минг фунтга яқин жарима ва суд харажатларини тўлаб беради.

Рио Фердинанд футболчилик фаолиятини 2015 йилда якунлаган эди. Ҳозир у телевидениеда футбол эксперти сифатида ишламоқда.