Nahotki. Konte “Tottenxem” bilan APL va EChL chempionligini qo‘lga kiritmoqchi

"Tottenxem" bosh murabbiyi Antonio Konte “shporlar”ning Angliya Premer ligasi va evrokuboklarda g‘alaba qozonish niyati borligini ma’lum qildi.

“Nega biz Angliya chempionati va Chempionlar Ligasida g‘alaba qozonmaymiz? "Tottenxem" o‘z o‘yinini shakllantirib, sovrinlar uchun kurashmoqchi. Bu bizning maqsadimiz. Jamoa Chempionlar ligasi yo‘llanmasini qo‘lga kiritdi, ammo asosiy maqsadimizga erishmadik. Men bu klub bilan ko‘p narsalarni amalga oshirshni istayman. Tajribam shuni ko‘rsatadiki, biz to‘g‘ri yo‘nalishda ketyapmiz”, - deya murabbiyining so‘zlarini keltiradi “AFP”.

Ma’lumot o‘rnida, "Tottenxem" o‘tgan mavsumda APLda to‘rtinchi o‘rinni egallagan.