Наманганда ўтадиган водий дербиси учун чипта нархлари эълон қилинди

Маълумки, Ўзбекистон Coca-Cola Кубоги 3-турида водий дербиси ҳам ўтказилади. 18 апрель санасида Наманганда “Навбаҳор” ҳамда “Нефтчи” қарама-қаршилигига гувоҳ бўламиз.

“Навбаҳор” матбуот хизматининг тарқатган хабарига қараганда, мазкур ўйин учун чиқарилган чипталар бугундан сотувга чиқди.

Маълумотда айтилишича, чипталарни Наманган шаҳар, Давлатобод туманидаги “Марказий” ўйингоҳ кассаларидан харид қилишингиз мумкин.

Чипталар нархи барча секторлар учун бир хил - 30 000 сўм этиб белгиланган.

Эслатиб ўтамиз, “Навбаҳор” – “Нефтчи” ўйини 18 апрель куни соат 18:15 да старт олади.