"Наполи" А Серияда сўнгги 11 йилдаги энг яхши натижани қайд этди

Хабарингиз бор кеча “Наполи” А Сериянинг 23-турида мусобақа аутсайдери ҳисобланган “Беневенто”ни 2:0 ҳисобида мағлубиятга учратиб, ўз пешқадамлигини янада мустаҳкамлади.

Эътиборлиси, неаполликлар сўнгги 11 йилда А Сериянинг 23та туридан сўнг 60 очкодан кам жамғармаган биринчи жамоа бўлишди. Аниқроғи, сўнгги марта Миланнинг “Интер” клуби 2006/07 йилги мавсумда дастлабки 23 турда 63 очко тўплаган ва якунда скудеттони қўлга киритган эди.

Маълумот учун, айни дамда ҳисобида 60 очко бўлган “Наполи” ўзининг энг яқин таъқибчиси ҳисобланган “Ювентус”ни бир очкога ортда қолдирмоқда.