“Наполи” билан шартномани янгилаган Осимхен энди “Челси”га ўтмоқчи

Ўтган мавсумда ўз голлари билан “Наполи”нинг чемпион бўлишига катта ҳисса қўшган Виктор Осимхен яқинда неаполликлар билан шартномасини 2026 йилнинг ёзигача узайтирган эди.

Клуб раҳбарияти нигериялик форвардга харидор кўпайиб кетганини инобатга олган ҳолда унинг янги шартномасига 130 миллион евро бадал пули кўрсатилган бандни ҳам қўшди.

Осимхен ижтимоий тармоқларда мухлислари билан мулоқотда уларнинг “Челси”га ўтиш ҳақидаги таклифига ижобий жавоб қайтарди.

24 ёшли футболчи яқин келажакда “Челси”дан таклиф бўлиши ва бу трансфер амалга ошишидан умидвор эканини билдирган.