"Наполи" давралар оралиғида Ла Лига клубидан футболчи сотиб олмоқчи

"Наполи" клуби "Сельта" ярим ҳимоячиси Станислав Лоботкани сотиб олишни режалаштирмоқда. Бу ҳақда Il Corriere dello Sport нашри хабар тарқатмоқда.

Юқоридаги манбаага кўра неаполликлар 25 ёшли футболчини жорий қишки трансферлар даврида ўз сафига қўшиб олишмоқчи ва бунинг учун виголикларга 25 млн евро тўлашга тайёр.

Маълумот учун, Лоботка жорий мавсум Ла Лигада 17 та ўйинда майдонга тушди. Унинг “Сельта” билан амалдаги шартномаси 2023 йилга қадар имзоланган.