"Наполи" Мексика терма жамоаси етакчиларидан бирини ўз сафига қўшиб олмоқчи

Эйндховеннинг ПСВ клуби вингери Ирвинг Лосано фаолиятини Италияда давом эттириши мумкин.

Football Italia нашрининг хабар беришича “Наполи” аллақачон 23 ёшли мексикалик футболчининг трансфери борасида голланд клуби билан музокараларни бошлаб юборган. ПСВ ушбу футболчисини 40 млн еврога баҳоламоқда.

Маълумот учун, Лосано ПСВ сафида 2017 йилдан буён тўп суриб келмоқда. У жорий мавсум жами 34та ўйинда иштирок этди ва ўз ҳисобига 19та гол ҳамда 10та голли узатма ёздириб қўйишга эришди.