“Наполи”: Осимхен ўрнига уч юлдуз

Италия чемпиони “Наполи” ва жамоа тўпурари Виктор Осимхен муносабатлари бузилгани ўйинчининг бошқа клубга ўтиши билан якунланиши мумкин.

Calciomercato нашрининг ёзишича, неаполликлар нигериялик ҳужумчининг кетишига тайёргарлик кўрмоқда. Клуб мутасаддилари Осимхеннинг ўрнини босиши мумкин бўлган уч нафар форвардни нишонга олди.

Манбага кўра, “Наполи” хўжайинлари Габриэль Жезус (“Арсенал”), Альваро Мората (“Атлетико”) ва Жонатан Дэвид (“Лилль”) каби тўпурарлар билан музокара бошлашга тайёрланяпти.

26 ёшли Жезусни олиш учун италиялик 75 миллион евро сарфлаши керак. 13 ёшли Дэвиднинг трансфер суммаси 60 миллион еврога баҳоланган. 30 ёшли Моратани оладиган клуб 20 миллион евро атрофида харажат қилиши керак.