"Наполи" Влашич учун ЦСКА сўраган пулни беришга тайёр

"Наполи" клуби ЦСКА ярим ҳимоячиси Никола Влашични жорий ёзги трансферлар давридаёқ сотиб олмоқчи. Бу ҳақда La Gazzetta dello Sport нашри хабар тарқатмоқда.

Юқоридаги манбага кўра, неаполликлар 22 ёшли хорватиялик футболчи учун 20 млн евро + бонуслар таклиф қилмоқчи. Бундан аввалроқ эса “армиячилар” Влашични айнан мана шунча маблағ эвазига сотишга тайёр эканликларини маълум қилишган эди.

Влашич ўтган мавсум ЦСКА сафида 38 та ўйинда майдонга тушди ва ўз ҳисобига 13 та гол ҳамда 6 та голли узатма ёздириб қўйди.