"Наполи" Хвичага янги шартнома таклиф қилди

Хвича Кварацхелия "Наполи" билан янги шартнома имзолаши мумкин. Бу ҳақда инсайдер Николо Скира хабар берди.

Журналистнинг ёзишича, неаполликлар клуби раҳбарияти грузиялик ярим ҳимоячига 2029 йилнинг ёзига қадар мўлжалланган узоқ муддатли шартнома таклиф қилган. Янги келишувга кўра Кварацхелиянинг маоши йилига тўрт миллион еврони ташкил қилади.

Италия чемпионатининг жорий мавсумида Хвича "кўклар" сафида 26 та ўйин ўтказиб, ўнта гол урди ва тўртта голли узатмани амалга оширди.