“Наполи”нинг муҳим футболчиси жиддий жароҳат олди

Италия А Сериясининг 8-туридан ўрин олган “Наполи” ва “Интер” (3:1) жамоалари ўртасидаги баҳсда Кевин Де Брюйне жароҳат олиб, майдонни эрта тарк этган эди. Ярим ҳимоячининг аҳволи қандай эканлиги ҳақида ҳақида неаполликлар матбуот хизмати маълум қилди.

Хабарга кўра, пенальтини ижро этиш вақтида жароҳат олган бельгиялик футболчи “Pineta Grande” шифохонасида тиббий кўрикдан ўтказилди. Текширувлар натижасида Де Брюйненинг ўнг сонидаги сон орқа мушаклари (бисепс феморис) юқори даражада шикастланганы аниқланган.

Унинг сафга қачон қайтиши ҳозирча номаълум, бироқ тикланиш жараёни узоқ давом этиши кутилмоқда.

Маълумот учун, Антонио Конте шогирдлари ҳозирда А Серия турнир жадвалида 18 очко билан пешқадамлик қилмоқда.