Нархи қанча медални айтинг? Ёхуд жаҳон чемпионлигини 1200 долларга сотиб юборган

Инсон ҳаёти турли сабабларга кўра буткул ўзгариб кетиши мумкин. Гиёҳвандликка ружу қўйиш ҳам шулар жумласидандир.

1

Бразилиянинг “Сан-Паулу” клуби собиқ ҳимоячиси Флавио Донизете клублар ўртасидаги жаҳон чемпионатида қўлга киритган медалини гиёҳванд модда харид қилиш учун сотиб юборганини тан олди.

“Сан-Паулу” 2005 йилги клублар ўртасидаги жаҳон чемпионати финалида “Ливерпуль”ни мағлубиятга учратиб, бош совринни қўлга киритган эди. Донизете эса ўша учрашувда захирада қолганди.

4_1

Донизете шундай дейди:

- Гиёҳванд модда харид қилиш учун клублар ўртасидаги жаҳон чемпионлиги медалини сотиб юборганман. 7 минг реалга сотганман (ҳозирги курс бўйича 1265 доллар). Агар унинг асл нархи қанча эканини билганимда, қимматроққа сотган бўлардим. Алдашдан маъно йўқ.

Амакиваччам медални сотишимни сўраб хабар ёзди ва мен бунга рози бўлдим. Орадан бир ҳафта ўтгач медални 3 минг реал эвазига сотиб оладиган харидор борлигини айтди. Мен “Пул нақдми? Мен медални бераман, аммо у пул берадими?”, деб сўрадим. Улар менга “ҳа” деб жавоб беришди ва шундан сўнг медални бердим. Акам келди ва пулни берди, мен эса унга медални топширдим. Аммо, кейинроқ маълум бўлдики, у медални 7 минг реалга сотган экан. Акам бунинг учун мендан узр сўради. У ўша пайтда қандай ҳолатда бўлганини билмаган.

2_2

Мен гиёҳванд моддани кўчада қабул қилмасдим. Кўчага чиқардим, сотиб олгач, яна уйга қайтардим. Дастлаб, гиёҳванд моддани бензин қуйиш шаҳобчасида истеъмол қилдим, кейин эса фақат уйда қабул қиладиган бўлдим. Бир кун уйимни 20 марта тозалабман (кулади). Ҳаммаси шу гиёҳванд моддалар туфайли. Мен ақлдан озган эдим.

Медалнинг пулини олганимда, деярли ҳаммасини кокаин сотиб олишга сарфлаган эдим. Дастлаб 1000 реалга харид қилганман ва 2 кунда истеъмол қилиб тугатганман. Ҳатто, юрак хуружига ҳам учрадим.
Қанча кўп пулим бўлса, шунча кўп наркотик хоҳлардим. Кокаин билан танишганимдан сўнг, қолган барча нарсани унутдим.

5_2

Дастлаб оз миқдорда қабул қилдим. Кокаин ҳаётимдаги асосий нарсага айлангач, мен бор-будимдан айрила бошладим. Ҳамма пулларимни гиёҳванд моддага сарфладим. Мен дозасиз қолишга ўзимда куч тополмадим. Эрталаб, кундузи ва кечаси кокаин қабул қилишим керак эди. Мен хотиним, болаларим ва оиламдан ташқари ҳамма нарсани йўқотдим.

Матнда хатолик топсангиз, ўша хатони белгилаб, бизга жўнатинг (Ctrl + Enter)