"Насаф" - "Қизилқум": Матнли трансляция

Учрашув якунланди. Матнли трансляцияни Абдулвосид Валихонов олиб борди.

Учрашув асосий вақтига 2 дақиқа қўшиб берилди.

ГООООООООООООООООЛЛЛЛЛЛЛЛЛ!!! Ҳозиргина майдонга тушган Комилов ҳисобни янада йириклаштирди. Нестеровдан қайтган тўпни у дарвозага жойлаб қўйди.

Ойбек Бозоров ўрнига Шоҳмалик Комилов майдонга тушди.

Мозговой тўпни узоқлаштириб юбориш натижасида голли вазиятни йўққа чиқарди.

Алиқуловнинг олис масофадан берган зарбаси кучли, аммо ноаниқ кетди.

Ҳусайн Норчаев Бобир Абдихолиқов ўрнига майдонга тушди. Шерзод Насруллаев ўз ўрнини Ғолиб Ғайбуллаевга бўшатиб берди.

Касмининнинг узоқ масофадан берган зарбаси ноаниқ кетди.

Дилшод Раҳматуллаев ва Файсал Траоре майдонга тушди. Ислом Кенжабоев ва Марко Станоевич захира ўриндиғидан жой олди.

Ҳусниддин Алиқуловга тиббий ёрдам кўрсатилмоқда.

"Насаф" анча хотиржам ҳаракат қилмоқда. Ҳисоб уларни тўлиқ қаноатлантиради.

Жасур Азимов огоҳлантирилди.

Томивага тиббий ёрдам кўрсатилмоқда.

ГООООООООООООООЛЛЛЛЛЛЛЛ!!! Бобир Абдихолиқов рақиб ҳимоячиларининг қўпол хатосидан унумли фойдаланиб кетди. Касминин тўпни қабул қилишда хато қилди.

Дилшот Саитов огоҳлантирилди.

"Насаф" футболчиси бир ўзи жарима майдонига ёриб кириб, зарба берди. Ҳимоячилар тўп йўлини блоклай олишди.

Кенжабоев Нестеровга нисбатан қоидани бузди.

"Қизилқум" ҳужумнинг энг сўнгги палласида хатоларга йўл қўймоқда.

Бойдуллаевнинг жаримадан узатган тўпини Касминин боши билан дарвозага йўллади. Бироз ноаниқ.

Маргиевнинг навбатдаги бурчак узатмаси "Насаф" дарвозасини хавф остида қолдирди.

"Насаф"нинг жарима зарбасини навоийлик ҳимоячилар қайтаришди.

Иккинчи тайм бошланди.

Танаффус.

Биринчи бўлимга 1 дақиқа қўшиб берилди.

Абдихолиқовнинг яна бир зарбасини Нестеров қайтарди. Ҳимоячилар Бобирга тўпни совға қилишди.

"Насаф" ажойиб комбинацион ҳужум уюштирди. Якунда Кенжабоевнинг зарбасини ҳимоячи Касминин базўр қайтариб қолди.

"Насаф" ҳимоячилари Томивага қарши яхши ҳаракат қилмоқдалар.

Ислом Кенжабоевга тиббий ёрдам кўрсатилмоқда.

Томиванинг узатмасини шериклари муносиб ривожлантира олмади.

ГООООООООООООООЛЛЛЛЛЛЛЛ!!! Бозоров ҳисобни 2:0 кўринишига олиб келиб қўйди. Кенжабоевдан яна бир пас.

Бош ҳакамга эътироз билдиргани сабабли сариқ карточка ишлаб олди.

Бурчакдан оширилган тўпни дарвозага йўллаган меҳмонлар ўта хавфли вазият юзага келтирди. Аммо Саитов бу вазиятда тўпни дарвоза чизиғидан қайтара олди.

Қаршиликлар прессинг орқали тезда тўпни қайтариб олмоқда.

Маргиевнинг бурчакдан узатган тўпини ҳимоячилар қийинчилик билан бартараф этишди.

Томиванинг зарбасини Неъматов қайтарди.

Касминин ва Кенжабоев ўзаро тортишиб кетди.

"Насаф" хотиржам тўпни назорат қилмоқда.

Саитовнинг узатмаси зарбага айланиб кетди. На у жиҳатдан ва на бу жиҳатдан ижро аниқ чиқмади.

"Насаф"нинг дастлабки дақиқалардаги фаоллиги бироз пасайди. Ўйин тенглашди.

"Қизилқум" футболчилари мезбонларнинг жарима майдонига узатмаларини ўтказишмаяпти.

Ойбек Қиличев огоҳлантирилди.

Маргиевнинг бурчакдан узатган тўпини дарвозабон уриб юборди.

Навоийликлар ҳам фаоллаша бошладилар.

Абдихолиқовнинг бош билан берган зарбаси ноаниқ кетди. Тўпга футболчи ўзи хоҳлаганидек йўналиш бера олмади.

"Насаф" кетма-кет ҳужумлар уюштиришда давом этмоқда. Иккала зарбани ҳам Нестеров жуда қийинчилик билан қайтарди.

ГОООООООООООООООЛЛЛЛЛЛЛ!!! Бобир Абдихолиқов тезкор гол урмоқда. Кенжабоевнинг узатмасини ҳужумчи осонликча дарвозага жойлаб қўйди. 

Ўйин бошланди.

Ўйиндан аввалги барча расмий жараёнлар ортда қолди.

Жамоалар майдонга тушиб келишмоқда. Суперлига мадҳиялари янграмоқда.

14-турнинг бугунги кун дастуридан ўрин олган сўнгги баҳсини биргаликда кузатиб борамиз.

Ассалому алайкум, Суперлига ихлосмандлари.