"Насаф" 18 февралдан Тошкентда йиғин бошлайди, 2 та спарринг-рақиб ҳам маълум

Бироз аввал, Қаршининг "Насаф" клуби ўртоқлик учрашувида Ғузорнинг "Шўртан" клубини 2:0 ҳисобида таслим этганини хабар қилгандик. Клуб матбуот хизматининг маълумот беришича, "аждарлар" 18 февралдан Тошкент шаҳрида янги мавсумга тайёргарлик жараёнини давом эттиради:

"Вакилларимиз янги мавсумга пухта тайёргарлик кўриш мақсадида, 18 февраль куни Тошкентга жўнаб кетади. «Аждарлар» пойтахтда иккита назорат учрашувида майдонга тушади. Ушбу беллашувлар 19 февраль куни Андижоннинг «Андижон», 22 февраль куни эса Термизнинг «Сурхон» жамоаларига қарши бўлиб ўтади", - дейилади расмий "Телеграм" саҳифада берилган хабарда.