"Насаф" Бобир Абдуҳолиқовни ортга қайтарди

"Насаф" Бобир Абдуҳолиқовни ортга қайтганини эълон қилди. 
 
Клуб матбуот хизматининг маълумотига кўра, қаршиликлар футболчи билан 1 йиллик шартномага имзо чеккан. 
 
"Янги мавсумда Бобирдан сермаҳсуллик кутиб қоламиз ва рақиблар дарвозабонларини хафа қилиб юради деган умиддамиз!", - дея хабар берди клуб матбуот хизмати.

Маълумот ўрнида, Абдухолиқов ўтган мавсумнинг иккинчи қисмини "Пахтакор" сафида ўтказиб, 11 та ўйинда иштирок этди ва 1 та гол уришга муваффақ бўлди.