"Насаф" кичик таътилга чиқди

Бугун “аждарлар” иккига бўлинган ҳолда назорат учрашуви ташкил қилишди. “Оқлар” ва “кўклар” ўртасида кечган басда “кўклар” 5:2 ҳисобида ғалаба қозонишди.

Голларни Ойбек Бозоров (2), Дилшод Раҳматуллаев, Мбеке Сиебатчеу, Муродбек Хўжамбердиев — Шароф Муҳитдинов ва Шаҳбоз Нуриддинов киритди.

Назорат учрашувидан сўнг, футболчиларга жавоб берилди. “Аждарлар” 20 январда ўз қароргоҳида йиғилади ва тиббий кўрикдан ўтади, - дея хабар берди, клуб матбуот хизмати.

Ўз ўрнида шуни ҳам қўшимча қилиш жоизки, “Насаф” етакчилари – Бобур Абдухолиқов ҳамда Шароф Муҳитдиновнинг охирги пайтларда клубни тарк этиши кутилаётганди. Лекин ҳозирча иккала футболчи ҳам жамоа билан бирга, бугунги ўзаро учрашувда улар ҳам иштирок этди.