"Насаф" мураббийи: "Сўғдиёна" билан ўйин биз кутгандек ўтмади"

Ўзбекистон Суперлигаси 12-туридан ўрин олган "Сўғдиёна" - "Насаф" баҳси якунланди. Унда меҳмонлар 2:1 ҳисобида зафар қучди. 

Учрашувдан сўнг ташкил этилган матбуот анжуманида "Насаф" ёрдамчи мураббийи Шуҳрат Тошпўлатов ўз фикрларини билдириб ўтди. 

“Томошабоп учрашув гувоҳи бўлдик. “Сўғдиёна” яхши таассурот қолдирди. Жиззахликлар қаторасига 4 та баҳсда ғалаба қозониб келаётган эди. Шу сабаб беллашувга жиддий тайёрландик.

Илк дақиқаларда ўз дарвозамиздан тўп олиб чиққан бўлсак ҳам, тушкунликка тушмасдан ҳисобни ўзгартира олдик. Ўйин биз кутгандек ўтмади. Шундай бўлсада, натижага эришдик ва 3 очкони қўлга киритдик", - деди қаршиликлар мураббийи.