"Насаф" янги мавсумда бошқа компания либосларидан фойдаланади (фото)

Қаршининг "Насаф" клуби янги мавсум олдидан либослар бўйича ўзгаришни амалга оширди.

Гап шундаки, "аждарлар" 2023 йилда "Kelme" компанияси етказиб берган либослардан фойдаланади. Бунгача қаршиликларнинг бир неча йиллик ҳамкори "Adidas" эди. Маълумот учун, "Kelme" ОФКнинг ҳомийларидан бири ҳисобланади.

Рўзиқул Бердиев шогирдлари 27 январь санасида йиғин ўтказиш учун Туркияга йўл олади. Шундан сўнг жамоа Қатарда ОЧЛ плей-офф босқичи доирасидаги "Аш-Шабоб"га қарши баҳсда майдонга тушади.