"Nasaf"ning ikki etakchisi klubda qoladigan bo‘ldi

Biroz avval "Nasaf" o‘z sardori Umar Eshmurodov bilan shartnoma uzaytirgani haqida xabar bergan edik.

2020 yil “Nasaf” futbol klubiga kelib qo‘shilgan Marko Stanoevich 2022 yilgi mavsumda ham jamoaga yordam beradi. Futbolchi "ajdarlar" bilan yana bir yillik shartnomaga imzo chekdi. Marko “Nasaf” safida Superligada 49 o‘yinda maydonga tushib , 12 gol muallifiga aylangan. Serbiyalik futbolchi jamoa bilan Superliganing kumush medali va O‘zbekiston Kubogini qo‘lga kiritgan.

Shuningdek, o‘tgan mavsumning ikkinchi davrasida jamoaga kelib qo‘shilgan Bahrom Abdurahimov 2022 yilgi mavsumda ham qarshiliklarga yordam beradi. Bahrom klub bilan bir yillik shartnomaga imzo chekdi.

Yodingizda bo‘lsa, Bahrom 2015-2017 yillarda ham “ajdarlar” safida harakat qilgan. Abdurahimov “Nasaf” bilan birga ikki marta chempionatning bronza, bir marta kumush medallarini, ikki marta O‘zbekiston Kubogini va bir marta O‘zbekiston Superkubogini qo‘lga kiritgan.

"Nasaf" klubi matbuot xizmati