"Navbahor" Andrey Kanchelskissiz yangi mavsumga tayyorgarlikni boshladi

10 dekabrdan "Navbahor" jamoasi mahalliy futbolchilar bilan yangi mavsumga tayyorgarlikni boshlab yubordi. Bu haqda klub matbuot xizmati xabar berdi.

Ilk mashg‘ulot “Markaziy” o‘yingohning zaxira maydonida o‘tkazildi. Tayyorgarlikni “Navbahor”ning yordamchi murabbiylari - A’zam Rajabboev va Mustafo Bayramov olib borishdi.

Ta’kidlash joizki, dastlabki mashg‘ulotda mahalliy o‘yinchilar bilan birgalikda rossiyalik yarim himoyachi Ivan Solovyov ham ishtirok etdi. Shuningdek, tayyorgarlik jarayoni davomida namanganlik yosh hamda iqtidorli futbolchilarning ko‘rikdan o‘tishmoqda.