"Навбаҳор" Азим Аҳмедов билан шартномани узайтирди

Наманганнинг "Навбаҳор" жамоаси футболчиси Азим Аҳмедов билан шартномани узайтирди. 

"Жамоамиз сардори Азимжон Аҳмедов "Навбаҳор" билан тузилган шартнома муддатини узайтирди. У келаси мавсум давомида "лочинлар" шарафини ҳимоя қилади. Биз Азимжонга жамоамиздаги кейинги фаолиятида ҳам омад ёр бўлишини тилаймиз", - дейилади "лочинлар" матбуоти хабарида. 

Маълумот учун, 32 ёшли футболчи ўтган мавсум Суперлигада 19 та ўйинда иштирок этиб, иккита гол урди ва битта самарали узатмани амалга оширди.