"Навбаҳор" Эрон клубини йирик ҳисобда енгди

Айни пайтда Туркияда ўқув-машғулот йиғинини олиб бораётган "Навбаҳор" бугун Эроннинг “Тракторсози” (Табриз) клубига қарши навбатдаги назорат баҳсини ўтказди.

Мазкур ўйинда “Навбаҳор” бош мураббийи Самвел Бабаян қуйидаги футболчиларни майдонга туширди: Александр Лобанов, Филип Иванович, Достонбек Абдулҳаев, Алижон Алижонов, Иброҳим Йўлдошев, Азимжон Аҳмедов, Сияваш Ҳақназари, Тома Табатадзе, Йован Жокич, Асадбек Собиржонов, Русланбек Жиянов.

Захирадан майдонга тушганлар: Гиорги Никабадзе, Озодбек Ўктамов.

Ушбу беллашувда “лочинлар” йирик – 3:0 ҳисобида ғалаба қозонишди.

Голларга Тома Табатадзе, Гиорги Никабадзе ва Йован Жокичлар муаллифлик қилишди.

Таъкидлаш жоизки, "Навбаҳор" танаффусга 1:0 ҳисобида чиқиб кетганди. Қолган голлар эса 2-бўлимда урилди.

“Навбаҳор” ПФК матбуот хизмати.