Ана холос: “Барса” юлдузи катта пулга “Реал”га ўтадиган бўляпти

“Барселона”нинг франциялик ҳимоячиси Жюль Кунде ёзги трансфер ойнаси даврида клубини ўзгартириши мумкин. Тажрибали ўйинчига каталонияликларнинг ашаддий рақиби “Рел” жиддий қизиқиш билдиряпти.

Бу ҳақда Topskills Sports UK нашри хабар берди.

“Барселона”да Кунде жамоа учун алмаштирилмас ўйинчи ҳисобланади, аммо агар клубга 60–80 миллион евро атрофидаги  миқдорда таклиф келиб тушса,  каталонияликлар унинг трансфери вариантини кўриб чиқишга тайёр.

Таъкидлаш жоизки, Жюль Кундега “Реал”дан ташқари Англия Премьер-лигасидан “Челси” ҳам эътибор қаратган.

Кунденинг “Барселона” билан амалдаги меҳнат шартномаси 2030 йилгача мўлжалланган. Жорий мавсумда 27 ёшли Кунде барча мусобақаларда клуб учун 36 та ўйин ўтказиб, 3 та гол ва 2 та голли узатма амалга оширган.

Transfermarkt портали маълумотларига кўра, футболчининг трансфер қиймати  65 миллион еврони ташкил қилади.