"Навбаҳор" мухлислари қайси ўйинларда жамоага ёрдам бера олмайди?

Ўзбекистон Суперлигаси 5-туридан ўрин олган "Навбаҳор" - "Пахтакор" учрашувидан (1:2) кейин юзага келган тартибсизликлар юзасидан ЎФА тартиб-интизом қўмитаси қарори эълон қилинди.

Унга қўра, "Навбаҳор" 2 та беллашувни мухлисларсиз ўтказишига тўғри келади. Яъни, "лочинлар" 16 апрель санасида "Турон" ва 22 апрель куни бўлиб ўтиши режалаштирилган "Оқтепа"га қарши ўйинларни бўш трибуналар билан ўтказади.

Ойнинг 30-санасида наманганликлар "Олимпик"ни қабул қилади ва мазкур баҳсга қадар тақиқ тугаши мумкин.