Расмий хабар!

Ўзбекистон футбол ассоциацияси Тартиб-интизом қўмитасининг йиғилиши бўлиб ўтди. Унда Суперлига 5-тури доирасидаги “Навбаҳор лочинлари” – “Пахтакор” учрашувида юзага келган тартибсизликлар масаласи кўриб чиқилди. Бу ҳақда ташкилот расмий сайти хабар тарқатди.

Қўмитага тақдим этилган маълумотлар, далиллар ҳамда видео-ёзувлар натижасида учрашув давомида ҳар икки жамоанинг айрим расмий шахслари техник зонани бир неча маротаба тарк этиб, бош ҳакамга қўпол тарзда эътироз билдиргани, учрашувнинг 90-дақиқасида бош ҳакам VAR мониторидан фойдаланиши вақтида унинг иш фаолиятига ҳалал берилгани аниқланди. Қолаверса, учрашувнинг сўнгида “Навбаҳор” футбол клуби мухлислари учрашув расмий шахсларини номаъқул сўзлар билан ҳақорат қилгани, шунингдек, улар томонидан майдонга турли буюмлар улоқтирилгани, ЎзМТРКга тегишли кўчма телевизион станцияга ҳужум қилингани ва унга жиддий зарар етказилгани маълум бўлди.

Мавжуд далиллар ва кўрсатмалар атрофлича ўрганиб чиқилиб, “Навбаҳор” – “Пахтакор” учрашуви вақтида “Навбаҳор лочинлари” футбол клуби ишқибозларини мухлислик маданиятидан четга чиқиб, стадионга турли буюмларни улоқтиргани, стадион ва унга ёндош ҳудудларда тартибсизликлар келтириб чиқаргани, жамоа расмий шахслари томонидан стадионда тартибсизликлар келиб чиқишига сабаб бўлган ножўя хатти-ҳаракатлар содир этилгани сабабли Ўзбекистон футбол ассоциацияси Интизом кодексининг 5.4, 5.9-бандларига мувофиқ “Навбаҳор лочинлари” футбол клубига нисбатан навбатдаги иккита уй учрашувини томошабинларсиз ўтказиш интизом чораси қўлланилди.

Шунингдек, “Навбаҳор лочинлари” футбол клуби Техник директори Мустафо Байрамов, дарвозабонлар мураббийи Павел Синелников стадионда тартибсизликлар келиб чиқишига сабаб бўлган ножўя хатти-ҳаракатлар содир этгани, жамоа маъмури Aбдурауф Ғуломов учрашув якунида рақиб жамоа футболчилари майдонни тарк этаётган вақтда нопрофессионал тарзда уларни жуда қўпол сўзлар билан ҳақорат қилгани учун уларга нисбатан футбол клуби томонидан ички интизом чорасини қўллаш тўғрисида “Навбаҳор лочинлари” футбол клубига ёзма тақдимнома киритилди.

Ўз ўрнида, учрашув вақтида “Пахтакор” футбол клуби расмий шахслари томонидан техник зонани бир неча бор тарк этиб, стадионда тартибсизликлар келиб чиқишига сабаб бўлган ножўя хатти-ҳаракатлари содир этилгани, жамоа расмийлари ва айрим футболчилари учрашув бош ҳакамини бир неча марта номаъқул сўзлар билан ҳақорат қилгани учун “Пахтакор” футбол клубига нисбатан Ўзбекистон футбол ассоциацияси Интизом кодексининг 5.4-бандига мувофиқ жарима интизом чораси қўлланилди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
Dilmurod Rustamov
13/04/2021 12:08
Haqponiy qaror boʻpti xakamchi xakam biror narsa bormi Jafar irismetov Pulimiz yoʻq Turunboyev ini kiriditka beringlar diyapturuvdi jarimani PFL pahtakorga oʻtkazib bersa Turgʻunboyev Qarzidan qutulardi Sohtakor
Uzbek Bek
14/04/2021 15:51
Superligada uzbek "el-klassikosi"ga asos solgan ham intriga kiritgan ham aynan Navbahor muxlislari emasmi? Ushbu qaror qabul qilish kimga foyda uzi yoki muxlissiz futbol kimga qiziq?
Uzbek Bek
14/04/2021 15:44
Superliga saviyasini belgilab beruvchi muxlislar yana balogardonmi? Uzi futbolimiz juda "muxlisbop"! Buni yuqoridagilar ham bilishadiyu negadir ular uchun uz fikrlari , qarorlari minglab muxlislar fikriga tupurgan holda qabul qilinaveradi. Futbolni kim uchun o'ynaymiz oldin mana shu masalaga aniqlik kiritib olishimiz kerak menimcha...
Keyin yana bir masala qaysi stadion tulyapti futbol bahslarida???
Menimcha Navbahor muxlislariga futbolimiz jonkuyarlari sifatida haykal quyish kerakmasmidi jazo urniga???
Akbarali Abdunazarov
13/04/2021 20:24
Канча микдорда жарима, буни эьлон килиш керак керак, бошка жамоаларга урнак булмайдими, епиглик козон епиглигича колаверарканда, охирига етмаган карорлари Кимга керак, майдондаги уйинчиларига хам жарима куллаш керак! Пахтакорни уйинчилари узи осмонда, Кремецнинг Металлург уйинчисига, яна усиб келаетган еш уйинчига ташлангани худди 5 синф болага 10 синф болани ташланишига ухшайди, кани узига булган хурмат, качон бизни футболчилар профиссионалликни урганади, хаммаси тупорига ухшайди, аксарият уйинларда мухлисларнинг асабига тегаетиб жунбушга келтираетган мана шу тоифадаги футболчилардир!
Абдуллаев Маьруф
13/04/2021 17:34
Рамазонда яхши бупти бунака гирром футбол кимга керак Ман уйингохига ундан кейин хам чикмайман.
Абдуллаев Маьруф
13/04/2021 17:34
Рамазонда яхши бупти бунака гирром футбол кимга керак Ман уйингохига ундан кейин хам чикмайман.
&
lochinlar navbahor
13/04/2021 13:30
Bizi pfl va ufa juda aqillide ayniqsa diyor maqola yozish boyicha chempion sudyalani xam eli kuziga jarimaga tormapsilada
&
Islombek Abduvaliyev
13/04/2021 12:14
2 Ta uchrashuvda Navbahorga muhlislar yordam berolmasa Navbahor rosa qiynaladi lekin.o'zi muhlislar ushlab turgandi jamoani
Doniyor Kuldoshov
13/04/2021 12:02
Федерацияга ҳамма вилоятлардан ишламагандан кейин шуда аҳвол, яна нимаям кутардинглар...


Ziyoviddin Usmanov
13/04/2021 11:57
Jatima miqdori bir oklad xalos paxtaga. Paxtachila qachon odam bulasila
Umarjon G'oyifov
13/04/2021 11:32
Федерациядагиларга гап йўқда.
&
umidjon omonov
13/04/2021 11:24
Пахтакор канча жарима толеди энди. 245 минми. Йо утиз фоиз скидка Билан толедими
Orif Akbarov
13/04/2021 11:18
Maqsadiga yetdi paxtakor sharbadliga olg‘a

Минбар

Барча блоглар