"Навбаҳор" клуби расмий "Телеграм" саҳифаси жамоа ярим ҳимоячиси Исломбек Исоқжонов билан шартнома янгиланганини эълон қилди:

"Хабарингиз бор, “Навбаҳор”нинг 27 ёшли тажрибали ярим ҳимоячиси Исломбек Исоқжоновнинг жамоамиз билан тузган шартнома муддати ўтган йилда якунига етганди. Исоқжонов куни кеча “Навбаҳор” билан янги шартнома имзолади. Энди у янги мавсумда ҳам “лочинлар” шарафини ҳимоя қилади", - дейилади расмий саҳифа тарқатган маълумотда. 

Исоқжонов ўтган мавсум Суперлиганинг 17 та учрашувида қатнашиб, 1 та ассистни ўз ҳисобига ёздириб қўйишга муваффақ бўлган. 

Матнда хатолик топсангиз, ўша хатони белгилаб, бизга жўнатинг (Ctrl + Enter)