"Навбаҳор" Қозоғистон клубига қарши ўртоқлик ўйинида майдонга тушди

Туркиянинг Анталия шаҳрида ўқув-машғулот йиғинини олиб бораётган “Навбаҳор” клуби у ердаги дастлабки ўртоқлик учрашувини Қозоғистоннинг “Қизилжар” жамоасига қарши ўтказди.

Ушбу беллашувда дарвозаларга жами учта гол урилди. Якуний ҳисоб эса 2:1 “Қизилжар” фойдасига. “Навбаҳор”дан ягона гол муаллифи Азим Аҳмедов ҳисобига ёзилди.

Самвел Бабаян жамоасининг навбатдаги учрашуви 17 январь куни Жанубий Африканинг “Гэлакси”  клубига қарши ўтказилади.