"Навбаҳор" терма жамоага номзод футболчи билан шартнома имзолайди

"Навбаҳор" жамоаси тез орада Ўзбекистон терма жамоасига номзод футболчи Фаррух Икромовни ўз сафига қўшиб олади. Футболчи расман "Бунёдкор" билан хайрлашди.

SPORTS.uz сайтига маълум бўлишича, наманганликлар тез орада Икромов трансферини эълон қилади. Шунингдек, "лочинлар" таркибга бир нечта янги ўйинчиларни ҳам қўшиб олишни режалаштирмоқда.

Маълумот учун, Фаррух Швецияга қарши ўртоқлик учрашувида оғир жароҳат олиб, узоқ муддатга сафдан чиққанди. У 2022 йилги мавсум якунида сафга қайтди ва гол уришга ҳам эришди.