"Навбаҳор" яна "Жар"га келади

Ўзбекистон Суперлигаси 20-тур учрашувларининг бошланиш санаси ва баҳслар ўтказиладиган стадионлар номи эълон қилинди.

ЎзПФЛ матбуот хизмати берган маълумотга кўра, 1 октябрь куни бўлиб ўтадиган "Бунёдкор" ва "Навбаҳор" жамоалари ўртасидаги беллашувга "Жар" ўйингоҳи мезбонлик қилади. "Қалдирғочлар" уй ўйинларини ўтказадиган "Бунёдкор"да қурилиш ишлари олиб борилмоқда.

Эслатиб ўтамиз, "лочинлар" 23 июль куни айнан шу стадионда "Олимпик"ни мағлуб этиб, Ўзбекистон Кубоги ярим финалига йўл олганди.

Қуйида 20-тур баҳсларининг бошланиш вақтлари билан танишиш имкониятига эгасиз.