Навбатдаги ўйин учун "Реал" қайдномасидан асосий таркибнинг 5 футболчиси ўрин олмади

Ла Лига амалдаги чемпиони "Реал" 24-турни меҳмонда ўтказади. "Реал Вальядолид"га қарши учрашув учун мадридликлар устози Зинедин Зидан кенгайтирилган таркибни тақдим этди. Қайдномадан 19 нафар футболчи ўрин олди.

Аввалроқ, мадридликлар ҳужумчиси Карим Бензема жароҳат туфайли ушбу рўйхатдан ўрин олмаслиги мумкинлиги ҳақида хабар берган эдик. Шунингдек, Серхио Рамос, Дани Карвахаль, Федерико Вальверде, Эден Азар каби бошланғич таркиб футболчилари ҳам клуб шифохонасини тўлдириб ўтирибди.