"Navruz Cup-2022". Чипталар нархи арзонлаштирилди!
Наманганда ўтказилаётган “Navruz Cup-2022” халқаро мусобақасининг 29 март куни бўлиб ўтадиган ўйинлари учун чипталар нархи мухлисларга қулайлик яратиш мақсадида арзонлаштирилди.
Эртадан сотувга чиқадиган чипталар нархи барча секторларга 20 000 сўм этиб белгиланди. Асосийси, битта чипта харид қилиб, 29 март кунги 2 та ўйин, яъни, Тожикистон – Қирғиз Республикаси ҳамда Ўзбекистон – Уганда терма жамоалари ўртасидаги учрашувларни бевосита стадионда томоша қилиш имкониятига эга бўласиз.
Шунингдек, стадионга ташриф буюрган мухлислар терма жамоамиз футболчилари дастхатлари туширилган футболкаларни қўлга киритиш имкониятига ҳам эга бўлишади.
Чипталарни харид қилинг, миллий терма жамоамизни бевосита стадионда қўллаб-қувватланг ва дастхат туширилган махсус футболкаларга эга бўлинг, азиз мухлислар!
“Навбаҳор” ПФК матбуот хизмати.
Фикрлар