Найим Қосимов ОФК Элита ҳакамлар рўйхатига киритилди

Ўзбекистонлик ФИФА ҳаками Найим Қосимов ОФК соҳил футболи курсини муваффақиятли якунлаб, ОФК Элита ҳакамлар рўйхатидан жой олди. Бу ҳақида Ўзбекистон футбол ҳакамлари маркази хабар бермоқда.

Эслатиб ўтамиз, Н.Қосимов жорий йилнинг 16-26 март кунлари Таиланднинг Паттая шаҳрида соҳил футболи бўйича Осиё Кубогида еттита баҳсда ишлашга улгурди.

Маълумот ўрнида: ОФК Элита ҳакамлар рўйхати — бу Осиёдаги энг малакали ҳакамлар бўлиб, қитъа миқёсида ўтказиладиган клублар ва терма жамоалар ўртасидаги расмий ўйинларга тайинланишади. Ушбу ҳакамлар маълум назорат синовларидан муваффақиятли ўтган тақдирда ушбу рўйхатдан жой олишади.