"Нефтчи" 6 нафар ўйинчини рўйхатдан ўтказди, улардан 3 нафар легионерлар!

Фарғонанинг “Нефтчи” клуби ҳам ёзги селекциядан фойдаланиб 6 нафар ўйинчини ЎзПФЛ рўйхатидан ўтказишга муваффақ бўлди.

Бунгача Саламат Қуттибоев ҳамда Фозил Мусаевнинг фарғоналиклар билан келишувга эришгани хусусида хабар бергандик.

Шунингдек, яна уч нафар легионер – Евгений Конюхов, Андрей Мишенко ҳамда Олексей Ларин ҳам расман “Нефтчи” аъзосига айландилар. Қолаверса, “Шўртан”дан Нодир Неъматхонов ҳам “Нефтчи”га кўчиб ўтди. Барча ўйинчилар эркин агент мақоми остида мавсум охирига қадар шартномага имзо чекдилар. Бу борада ЎзПФЛ матбуот хизмати маълум қилди.