"Нефтчи" етакчилари мураббийлик учун дастлабки қадамни ташлашди

Маълум бўлишича, Тошкент шаҳрида 6 декабрь куни ОФКнинг “В” дипломи учун мураббийлик курсининг 1-модулига старт берилди.

Хабарда айтилишича, ушбу курсда инструкторлик вазифасини Шамил Исеев бажармоқда. Унга Рустам Қурбонбоев ассистентлик қилмоқда. Кординатор вазифасини эса Даврон Қудратуллаев бажармоқда.

Мазкур курсларда 24 нафар мураббий қатнашмоқда. Мазкур ўқув курси 6 кун давом этади.

Эътиборли томони шундаки, ўқув жараёнида “Нефтчи” футболчилари – Акмал Шораҳмедов билан Шавкат Муллажонов ҳам иштирок этишяпти. Афтидан, улар мураббийлик учун дастлабки қадамларини ташлашган кўринади.