"Neftchi" Farg‘onada "Lokomotiv"ni yuta olmayapti (prevyu)

2002 yilda "O‘zbekiston temir yo‘llari" davlat kompaniyasi tomonidan tashkil etilgan "Lokomotiv" futbol klubining "Neftchi" bilan o‘zaro o‘yinlari hamisha murosasiz o‘tib kelgan.

Jamoalar hozirga qadar milliy chempionatimizda 28 uchrashuv o‘tkazishgan. Ularning 7 tasida farg‘onaliklar, 15 tasida poytaxtliklar zafar quchishgan, 6 ta bahs durang natija bilan o‘z nihoyasiga etgan. Umumiy to‘plar nisbati 34-49 "Lokomotiv" foydasiga.

"Neftchi"ning o‘zaro o‘yinlardagi eng yirik g‘alabasi 4:0 ga teng, "Lokomotiv"da bu ko‘rsatkich 4:1 ga teng.

Jamoalarning Farg‘onada bo‘lib o‘tgan so‘nggi 5 uchrashuv natijalari quyidagicha:

04.05.2018. "Neftchi"-"Lokomotiv" 1:4
03.11.2017. "Neftchi"-"Lokomotiv" 0:0
14.08.2016. "Neftchi"-"Lokomotiv" 1:1
08.08.2015. "Neftchi"-"Lokomotiv" 1:2
14.06.2014 "Neftchi"-"Lokomotiv" 0:1.

"Neftchi" klubi matbuot xizmati