"Нефтчи" футболчиси жамоасини ўзгартирди

Мавсум аввалида “Нефтчи” жамоасига қўшилган футболчи Хусниддин Ғофуров орадан кўп ўтмасдан яна клубини ўзгартиришга қарор қилди.

Sports.uz сайтига маълум бўлишича, Ғофуров “Сўғдиёна” жамоасининг машғулотларида иштирок этяпти. Томонлар бу борада ўзаро келишувга эришишган.

Хусниддин “Нефтчи”га қўшилгач, Суперлиганинг 4 та ўйинида майдонга тушиб, биттадан сариқ ва қизил карточка билан “сийланган”. Ўзбекистон Кубогида эса учта ўйинда “Нефтчи” шарафини ҳимоя қилган.