"Нефтчи" Жалолиддин Машарипов учун курашади!

Суперлигининг якунланган мавсумида чемпионликни қўлга киритган "Нефтчи" ўз таркибини кучайтириш ишларини бошлаб юборган. Янги мураббий Ислом Исмоилов бошчилигида жамоа Элит Осиё Чемпионлар лигасига жиддий тайёргарлик кўрмоқда.

Sports.uz сайти журналисти Яҳёхўжа Улуғхўжаевнинг хабар беришича, фарғоналикларнинг асосий трансфер нишони — Ўзбекистон терма жамоаси аъзоси Жалолиддин Машарипов бўлиб турибди. Шунингдек, унга лиганинг бошқа клубларидан ҳам қизиқиш мавжуд.

Маълумот учун, Машарипов айни пайтда ўз жароҳатини тузатиш билан банд. Унинг "Истиқлол" билан тузилган амалдаги шартномаси 2027 йилнинг ёзида ўз ниҳоясига етади.