"Нефтчи" легионер футболчиси билан хайрлашди

"Нефтчи" Эффионг Нсунгуси билан хайрлашди, деб хабар бермоқда клубнинг матбуот хизмати. 
 
Суперлига клуби таниқли легионери ҳисобланган Нсунгуси билан хайрлашганини маълум қилди. Нигериялик ҳужумчи 1 йил аввал клуб сафига келиб қўшилган эди. 
 
Эффионг Фарғона клуби таркибида 28 та беллашувда иштирок этиб, рақиблар дарвозасига 7 та гол ва 5 та голли узатмага муаллифлик қилди. 
 
25 ёшли форвард янги мавсум олдидан бошқа жамоада фаолият кўрсатиш истаги борлигини айтиб, "Нефтчи" билан дўстона хайрлашди. Хайрлашиш жараёнида жамоа раҳбарлари ва барча жамоадошларига ҳамда мухлисларига чуқур миннатдорчилик билдириб, Фарғонани ҳеч қачон эсдан чиқармаслигини изҳор этди.