"Нефтчи" ўринбосарларида тўп сурган футболчи фаолиятини БАА чемпионатида давом эттиради

"Нефтчи" ўринбосарлар сафида ҳужумкор ўйинлари билан жамоанинг муваффақиятларига муносиб ҳисса қўшиб келган иқтидорли футболчи Муҳаммадали Ҳолматов жамоани тарк этди. У бундай кейинги фаолиятини БАА Пролигасида давом этиради.

Жорий йилги мавсумда "Нефтчи"нинг ўринбосарлар  таркибида жами 11 та учрашувда майдонга тушган Муҳаммадали  1 та гол киритди ва  2 та голга ассистентлик қилди.

Жамоамиз ва кўп сонли  мухлисларимиз номидан Муҳаммадали Ҳолматовга «Нефтчи»да олиб борган фаолияти учун самимий миннатдорчилик билдириб, янги жамоасида катта ютуқ ва марраларга етишишида омад ёр бўлишини тилаб қоламиз, - дейилади "Нефтчи" клуби матбуот хизмати хабарида.