"Нефтчи" ўз майдонида "Андижон" ва "Алай" билан назорат учрашувларида иштирок этади (фото)

"Нефтчи"нинг ўртоқлик ўйинлари белгиланди. Бу ҳақда клуб матбуот хизмати хабар берди. 

Хабарингиз бор, кечадан бошлаб Виталий Левченко бош мураббийлигидаги жамоа аъзолари тайёргарлик жараёнига киришиб, Қиргулидаги қароргоҳ стадионида машғулотларда иштирок этди. Суперлигада юзага келган танаффус пайтида мураббийлар штаби футболчиларнинг ўйин амалиётини узлуксиз таъминлаш мақсадида бир нечта ўртоқлик назорат беллашувларини режалаштирган бўлиб, ушбу ўйинлар тақвимини мухлислари эътиборига ҳавола этамиз.

12 сентябрь куни "Нефтчи" Қирғиз Республикаси Премьер-лига вакили Ўшнинг "Алай" клубини қабул қилса, 16 сентябрь куни "Андижон" жамоаси билан куч синашади. Барча учрашувлар Қиргулидаги "Нефтчи" стадионида ўтказилади.