"Neftchi" serbiyalik hujumchi bilan kelishuvga erishdi
Kecha Shahzod Ubaydullaev bilan shartnoma imzolagan “Neftchi” klubi bugun yana bir transferni e’lon qildi. Klub matbuot xizmatining xabar berishicha, bu safar serbiyalik yosh va iste’dodli hujumchi Marko Sharich bilan shartnoma imzolandi.
Ma’lumot uchun, Marko Sharich 1998 yil 28 noyabr sanasida Serbiyaning Belgrad shahrida tug‘ilgan bo‘lib, faoliyati davomida "Chukarichki", "Radnichki", "Rad" kabi klublarda to‘p surgan. "Neftchi"ga kelishidan oldin oxirgi o‘ynagan jamoasi "Metalats" klubi hisoblanadi. Serbiya chempionatida 59 ta uchrashuvda maydonda harakatlangan 23 yoshli futbolchi 11 ta golga mualliflik qilgan.
Fikrlar