"Нефтчи" сербиялик ҳужумчи билан келишувга эришди

Кеча Шаҳзод Убайдуллаев билан шартнома имзолаган “Нефтчи” клуби бугун яна бир трансферни эълон қилди. Клуб матбуот хизматининг хабар беришича, бу сафар сербиялик ёш ва истеъдодли ҳужумчи Марко Шарич билан шартнома имзоланди.

Маълумот учун, Марко Шарич 1998 йил 28 ноябрь санасида Сербиянинг Белград шаҳрида туғилган бўлиб, фаолияти давомида "Чукарички", "Раднички", "Рад" каби клубларда тўп сурган. "Нефтчи"га келишидан олдин охирги ўйнаган жамоаси "Металац" клуби  ҳисобланади. Сербия чемпионатида 59 та учрашувда майдонда ҳаракатланган 23 ёшли  футболчи 11 та голга муаллифлик қилган.