"Neftchi"ni kimlar tark etdi?

Superligaga qaytgan “Neftchi” tarkibida ham o‘zgarishlar bo‘lishi shubhasiz. Chunki klub yangi mavsumda jiddiy maqsadlar uchun kurashishi kutilyapti. Shunga yarasha jamoada keldi-ketdilar bo‘lishi tabiiy.

Yodingizda bo‘lsa, pro liga bahslari tugamasidan avvaloq klubning to‘purar hujumchisi Marko Obradovich bilan xayrlashishgandi. “Neftchi”ning Superligaga qaytishiga katta hissa qo‘shgan Akmal Shorahmedov ham u erdan ketdi va endi murabbiy sifatida “Lokomotiv”da ish boshladi.

Sports.uzga ma’lum bo‘lishicha, ushbu o‘yinchilardan tashqari Shavkat Mullajonov, Sherzod Karimov, Sobit Sindarov kabi o‘yinchilar ham “Neftchi”ni tark etishgan. Klub esa hozirda yangi o‘yinchilar bilan qizg‘in muzokaralarga kirishgan.