Netflix Париждаги Олимпиада учун учта ҳужжатли фильм тайёрламоқда

Netflix Халқаро Олимпия Қўмитаси (ХОҚ) билан ҳамкорликда 2024 йилда Парижда бўлиб ўтадиган Олимпиада учун учта ҳужжатли филм тайёрлайди. Сериал спринтерлар ва баскетболчиларга, шунингдек, АҚШдан спорт гимнастикаси бўйича тўрт карра Олимпия чемпиони Симоне Байлзга бағишланади.
  
ХОҚ матбуот хизматининг хабар беришича, биринчи ҳужжатли фильм “Симоне Байлс: Юксалиш”, деб номланади. Биринчи эпизодлар июль ойида чиқади. Сериалнинг ҳар бир қисми 45 дақиқадан бўлади. Томошабинларга тарихдаги энг номдор гимнастикачининг ҳикояси тақдим этилади. У руҳий муаммоларга дуч келган ва фаолиятидан танаффус қилишга мажбур бўлганлиги кўрсатилади.
  
"Спринт" деб номланган иккинчи фильм дунёдаги энг тезкор спортчилар ҳақида ҳикоя қилади. Сериалнинг биринчи мавсумида 2023 йилги жаҳон чемпионатининг энг яхши енгил атлетлари, жумладан, Шакарри Ричардсон, Ноа Лайлз ва Шерика Жексон иштирок этади. Иккинчи фаслда ушбу спортчиларнинг 2024 йилги Олимпиада ўйинларигача бўлган саёҳатларидан иборат бўлади. "Спринт" биринчи мавсумда олтита 45 дақиқалик қисмдан ва иккинчи мавсумда тўрттадан иборат бўлади.  

Баскетболчилар ҳақидаги сериал олтита 45 дақиқалик қисмни ўз ичига олади ва 2025 йилнинг бошида чиқарилади. Ушбу сериал эркаклар баскетболи бўйича потенциал медаль даъвогарлари ҳақида ҳикоя қилади. Сабаби, дунёнинг турли мамлакатларидан келган жамоалар Париж Олимпиадасида ва турнир олдидан бўладиган саралаш мусобақаларида қатнашади. Эксклюзив саҳна ортидаги киришдан ташқари, баскетбол ўйини бутун дунё бўйлаб қандай рақобатбардош бўлганлиги ҳақидаги ҳикоя афсоналар авлодлари орқали ўрганилади.  

Суратга олиш ишлари Халқаро гимнастика (ФИГ), баскетбол (ФИБА) ва енгил атлетика (Жаҳон атлетика) федерациялари томонидан қўллаб-қувватланади. ХОҚ ушбу ҳужжатли фильмлар туркуми орқали спортчиларнинг барча таъсирли ҳикояларини, шунингдек, Олимпия ўйинларидаги кўнгилочар ва таассуротларни кенг аудиторияга етказишга интилишини таъкидлади.
  
Аввалроқ, Netflix ХОҚ билан ҳамкорликда АҚШ терма жамоасининг 2008 йилда Пекиндаги Олимпиада ўйинларидаги чиқиши ҳақида “Қутқарув жамоаси” ҳужжатли фильмини чиқарганди. Ушбу фильм Netflixнинг 63 мамлакатдаги энг яхши 10 та фильмидан бири бўлиб, биринчи тўрт ҳафтада тақдим этилган ва бадиий ҳужжатли фильм номинациясининг Спорт йўналишида "Эмми" мукофотига сазовор бўлган.

Франция пойтахтидаги Олимпиада ўйинлари 2024 йилнинг 26 июлидан 11 августига қадар бўлиб ўтади. Паралимпия ўйинлари эса 28 августдан 8 сентябргача бўлиб ўтади.