Невеш: Роналду ажойиб формада

24 ноябрда Португалияни Ганага қарши биринчи тур ўйини кутмоқда. Учрашувдан олдин Рубен Невеш Роналдунинг ҳолати ҳақида гапирди.

"Криш машғулотларда ажойиб формада. У бизни ташвишга солмайди. Биз ўйин пайтида ҳар бир киши ажралиб туриши учун нималар қилишимиз кераклигини яхши биламиз" - деди ярим ҳимоячи.

Роналду Пирс Морганга берган интервьюси ва "Манчестер Юнайтед" билан шартномани бекор қилганидан сўнг эътибор марказида бўлиб турибди.

"Албатта, бу ҳақида сўрамасликни иложи йўқ. Аммо у билан муносабатларимиз яхши. Бизда ажойиб муҳит мавжуд"-дея қўшимча қилди 25 ёшли футболчи.

Роналду терма жамоанинг Нигерияга қарши ўртоқлик учрашувини ўтказиб юборганди. Аммо у Ганага қарши ўйинда майдонга қайтиши кутилмоқда.