Неймар, Месси, Мбаппе. Янги бош мураббий асосий ҳужумчи кимлигини айтди!

“Пари Сен-Жермен”ни қабул қилиб олган Кристоф Галтье янги мавсумда жамоа юлдузларидан қандай фойдаланишни аниқ билиши ойдинлашди.

Таъкидлаш лозимки, кўпчиликни Галтье Лионель Месси, Неймар ва Килиан Мбаппени ҳужум чизиғига қандай жойлаштириши қизиртирмоқда.

Маълумотларга қараганда, янги бош мураббийи Париж жамоасида асосан 3-4-1-2 схемасидан фойдаланадиган бўлди.

Икки ҳужумчидан бири ҳар доим Килиан Мбаппе бўлади. Иккинчи ҳужумчи вазифасини баъзи ҳолатларда Месси, айрим вазиятларда Неймар бажаради. Аргентиналик ва бразилиялик юлдузлар ўзаро жой олмашиб ўйнайди.

Ушбу учлик ўтган мавсумда жами 61 та тўп киритди. Шулардан 38 та гол Мбаппе ҳисобига ёзилди.