Ҳал қилувчи онлар келди! Бугун Нодирбек Абдусатторов "ўзбеклар кушандаси" билан баҳс олиб боради

Тошкентда "Президент кубоги" давом этмоқда. 3-бор ўтказилаётган мусобақанинг мукофот жамғармаси 75000 АҚШ долларини ташкил этади.

Турнир 2 гуруҳда ўтказилади. "А" гуруҳида рейтинги 2250 ва ундан юқори рейтингли шахматчилар иштирок этса, "Б" гуруҳида рейтинги 2249 ва ундан паст рейтингли шахматчилар қатнашади.

Ҳар бир ўйин 90 дақиқа ва ҳар бир юриш учун 30 секунд вақт қўшиб борилади.

Ушбу турнирда бугун 9-, ҳал қилувчи тур учрашувлари бўлиб ўтади. 

Қуйида бугун бир-бирига қарши дона сурадиган шахматчилар билан танишинг: 

1. Нодирбек Абдусатторов (2777) - Ниҳал Сарин (2676)
2. Парҳам Магҳсоодлоо (2712) - Саидакбар Сайдалиев (2473)
3. Жавокҳир Синдаров (2682) - Неелаш Саҳа (2458)
4. Шамсиддин Вокҳидов (2681) - Ортик Нигматов (2447)
5. Аюш Шарма (2464) - Нодирбек Якуббоев (2668)

Таъкидлаш керак, бугун турнир пешқадами Ниҳал Сарин (Ҳиндистон) вакилимиз Нодирбек Абдусатторов билан куч синашади. Ушбу беллашувдаги натижа якунда турнир ғолибини аниқлашда катта роль ўйнайди. Қуйида сўнгги тур олдидан турнир жадвалидаги ҳолат билан танишинг: 



Ҳозирча Нодирбек Абдусатторов ҳамда Ниҳал Сарин ўзаро 4 маротаба куч синашган. Уларнинг иккитасида Нодирбек Абдусатторовнинг қўли баланд келган бўлса, яна икки беллашувда дуранг натижа қайд этилган. Кеча Ниҳал Ўзбекистоннинг бошқа бир номдор шахматчиси Жавоҳир Синдаровни таслим этиб, турнир пешқадамига айланиб олганди.

Бундан ташқари, Ниҳал Сарин жорий "Президент кубоги" турнири доирасида 4 нафар ўзбекистонлик шахматчини таслим этди: 

1-турда Баҳром Баҳриллаев 
2-турда Алмас Раҳматуллаев 
7-турда Ортиқ Ниғматов 
8-турда Жавоҳир Синдаров