Неймар 3 ойлик карантиндан сўнг яна Парижга қайтди

ПСЖ форварди Неймар бугун Парижга учиб келди. Бу ҳақда L’Equipe нашри хабар тарқатмоқда.

Таъкидлаш керакки, бразилиялик футбол юлдузи март ойида карантин эълон қилингач, ватанига жўнаб кетган эди.

ПСЖ янги мавсумга тайёргарликни 16 июндан бошлайди. Тиаго Силва, Эдинсон Кавани ва Кейлор Навас эса сешанба куни Франция пойтахтига етиб келиши кўзда тутилган. Кавани ва Силванинг ПСЖ билан амалдаги шартномаси 30 июнь куни ўз ниҳоясига етади.