Неймар "Ал-Ҳилол"дан кетадими? Футболчининг агенти жавоб берди

"Ал-Ҳилол" ҳужумчиси Неймарнинг агенти Пини Захави футболчининг келажаги мавзусида ўз фикрини билдирди. Бу ҳақда журналист Фабрицио Романо хабар берди.

- Неймарнинг "Ал-Ҳилол"ни тарк этиши бўйича ҳеч қандай музокаралар олиб борилмаяпти. Унинг шартномаси бор ва жамоада жуда бахтли.

Неймарнинг отаси ва мен унинг келажаги ҳақида гапира оладиган ягона инсонлармиз. Сўнгги миш-мишларнинг қаердан пайдо бўлганини билмайман, - деди Пини.

Маълумот учун, яқинда узоқ муддатли танаффусдан кейин майдонга қайтган Неймар "Истиқлол"га қарши баҳсда яна жароҳат олди.